Universiteti i Shkodrës "Luigj Gurakuqi" dhe Universiteti i Varshavës (Poloni)  vendosën nëpërmjet memorandumit të mirëkuptimit një bashkëpunim që jo vetëm synon objektiva të larta akademike për secilin nga  institucionet, por edhe promovimin e punës së fakulteteve, të pedagogëve  dhe studentëve. Rektori i Universitetit të Shkodrës, prof. dr. Artan Haxhi dhe rektorja e Universitetit të Varshavës, prof. Katarzyna Chałasińska-Macukow nënshkruan këtë memorandum mirëkuptimi në ambientet e rektoratit të USH-së.

Sipas kësaj marrëveshjeje të dy universitetet do të angazhohen për të  siguruar fondet e nevojshme, si dhe në emërimin e autoriteteve kompetente të Universitetit të Varshavës dhe Universitetit të Shkodrës “Luigj Gurakuqi” në funksion të bashkëpunimit.

Memorandumi i mirëkuptimit synon:

 

Aktivitete kërkimore të përbashkëta, duke përfshirë projektet.

Shkëmbim eksperience  mes pedagogëve të fakulteteve, studentëve, doktorantëve .

Pjesëmarrje në seminare dhe takime akademike.

Shkëmbim të materialeve akademike dhe informacioneve të tjera.

Programe të veçanta akademike me periudha të shkurtra kohore.

Shkëmbim eksperience mes punonjësve të administratës.

Programe të përbashkëta kulturore.

 Sferat e ndërveprimit reciprok përfshijnë çdo program të ofruar nga njëri prej universiteteve, që mendohet i dëshirueshëm dhe i realizueshëm nga ana tjetër. Kështu do të kontribuohet  në nxitjen dhe zhvillimin e mësimdhënies dhe kërkimit shkencor.