Më 18 Qershor u zhvilluan në praninë e shumë miqve të shquar nga bota akademike, e biznesit dhe politikës, festimet  për 40 vjetorin e Universitetit të Klagenfurtit Alpet-Adriatik Austri. Përfaqësuesit e universiteteve partnere austriake dhe ndërkombëtare ishin për të përcjellë urimet e tyre.

Në vijim të bashkëpunimit të ngushtë mes Universitetit të Shkodrës “Luigj Gurakuqi” dhe Universitetit të Klagenfurtit në këtë ceremoni merrnin pjesë përfaqësues të USH-së: Rektori Prof.dr. Artan Haxhi, Kancelari: z. Florian Bjanku dhe Drejtori i Mardhënjeve me Jashtë: z. Erard Çurçia.

Rektori i USH-së ishte i pari nga universitetet ndërkombëtare që mori fjalën e përshëndetjes. Duke përshëndetur këtë ceremoni Rektori Haxhi ndër të tjera theksoi: “Universitet janë krijuar për të formuar elitat, të cilat  janë motori i zhvillimit të vendit, ndaj sot, ky përvjetor rrëmben ngjyrat e një feste jo vetëm universitare. Ky vend e ka traditë arsimin, kulturën dhe dijen, ashtu siç ka traditë përpjekjet e fuqishme për qytetërim. Në këtë ditë të shënuar për të gjithë, më lejoni t’ju përcjell urimet më të përzemërta nga stafi akademik dhe ai administrativ i Universitetit të Shkodrës, por edhe nga qytetarët e banorët e Shkodrës e më gjerë, të cilët janë sot pranë jush me urimet më të mira e më dashamirëse”.

Ndërsa Rektori i Universitetit të Klagenfurtit u shpreh:"40 vjet nuk janë shumë për një universitet, por ne kemi arsye të jenë krenarë për këtë arritje të deritanishme. Sidomos për shkak se rruga e përshkuar nga Universiteti ynë nuk ka qenë kurrë e lehtë. Por ne do të bëjmë të gjithë ne sfidat dhe aerodinamike shërbimet tona në mënyrë që ne mund të ndjekin objektivat tona, "tha Rektori Heinrich C. Mayr në fjalimin e tij të hapjes.

Nisur nga prania e shumë rektorëve dhe autoriteteve të tjera drejtuese të universiteve të vendeve të ndryshme, nga përfaqësuesit e USH-së u realizuan mjaft takime ku u diskutuan mundësitë konkrete të bashkëpunimit mes universiteteve.