21 korrik 2010

 CEREMONIA E DORËZIMIT TË DIPLOMAVE STUDENTËVE MË TË MIRË


            Universiteti  i Shkodrës ka zhvilluar ceremoninë e diplomimit të studentëve më të mirë. Në këtë  aktivitet, të pranishëm ishin Zv ministria e arsimit dhe shkencës, Znj. Nora Malaj si dhe  krerët më të lartë të pushtetit vendor. Në fjalën e përshëndetjes  rektori i Universitetit, Prof.dr Artan Haxhi u shpreh: ”Sot nderojmë  më të mirët e më të mirëve. Ato që regjistrohen në librin e nderit të Universitetit. Pas shumë mundi dhe përkushtimi në auditore, biblioteka dhe ambiente të tjera ju  studentë që sot mbani veshjen e diplomantit i dhuroni vetes, familjes dhe gjithë stafit akademik  kënaqësi, e njëkohësisht nëpërmjet jush ne shohim pasaportën e vlefshme për një ecuri më të mbarë të Universitetit, Shkodrës, rajonit e gjithë vendit.
Historia e ka afirmuar  Universitetin e Shkodrës  si një nga  qendrat  më në zë për përgatitjen e specialistëve   të shumë fushave të dijes, mësues, ekonomistë, sociolog, psikologë, infermierë, biznesmenë, diplomatë,  personalitete të shquara intelektuale, mendje të ndritura të arsimit dhe të shkencës shqiptare .
Me diplomantë të aftë e të përkushtuar shërbimi ndaj komunitet është më i garantuar. Kjo është dhe ajo çfarë ne synojmë sot dhe gjithmonë. Në këtë ditë gjej falënderim shumë të madh për gjithë stafin akademik që u përkushtua në mësimdhënie,  ndonëse ndonjë rast edhe në kushte të vështira. Një  falënderim shumë dashamirës u drejtoj edhe të gjithë mbështetësve tanë, partnerëve brenda dhe jashtë venit– ku të gjithë së bashku mundësuan një vit akademik të mbarë,-vijoi më tej rektori Haxhi.
    Takimin e përshëndetën Zv/ministria e Arsimit, Znj Nora Malaj si dhe Kryetari i Qarkut Z. Gjovalin Kolombi.
    Në emër të studentëve përshëndeti studentja e cila u kurorëzua me medaljen e artë znj. Flora Koka. Në Universitetin e Shkodrës këtë vit u   diplomuan 2474 studentë, prej të cilëve 1824 në sistemin e ditës 3 dhe 4 vjeçar, 330 në sistemin part -time , 35 DND si dhe 320 Master në Mësuesi. E gjithë kjo është dëshmi e qartë e ditëve vitale të këtij institucioni i cili  po përpiqet të gjej strategji të mira zhvillimi nëpërmjet hartimit të kurrikulave dhe bashkërendimit të programit teorik me atë praktik e gjitha  për të shprehur angazhimin e motivimin e tij në zbatim të detyrimeve si institucion i arsimit të lartë dhe për t'u shërbyer sa më mirë studentëve e të gjithë të interesuarve të tjerë.