85 vjetori i lindjes se shkrimtarit, poetit, dhe studiuesit të madh shqiptar, Martin Camaj,  ështe perkujtuar nga Universiteti i Shkodrës “Luigj Gurakuqi” nëpermjet nje konference shkencore me temë “Martin Camaj per kulturën shqiptare. shkrimtari dhe albanologu”.

Kjo konferencë shkencore u organizua nga Qendra Kerkimore Shkencore Albanologjike, departamenti i letersise dhe gjuhesise ne fakultetin e shkencave shoqerore te Universitetit "Luigj Gurakuqi". Ne fjalen e hapjes te pranishmit evidentuan vlerat e shkrimtarit Camaj, nje nga emrat e spikatur te letersise shqipe, i cili mban titullin "Profesor Nderi" i Universitetit te Shkodres. Pjesëmarrës ishin personalitete të shkencës shqiptare si akademik Kolec Topalli, drejtor i Qendrës Albanologjike Shqiptare prof. Ardian Marashi, prof. Bardhyl Demiraj etj. E pranishme në këtë takim ishte dhe e shoqja e Martin Camaj,  znj.  Erika Camaj, e cila duke falënderuar organizatorët për zhvillimin e kësaj konference u shpreh se: Ky është një nderim për një shkrimtar i cili ndonëse zhvilloi aktivitetin e tij jashtë Shqipërisë, gjithnjë zemra dhe mendja i punuan për vendin dhe bashkatdhetarët e tij. Me këtë rast zonja Camaj i dhuroj bibliotekës së Universitetit dy botime të veprës së plotë të Camajt. 

Në fjalën e hapjes, drejtori i Qendrës kërkimore- shkencore albanologjike, prof. dr Tomor Osmani  duke falënderuar të pranishmit theksoi se kjo konferencë e organizuar në kuadër të 85 vjetorit të lindjes të shkrimtarit dhe albanologut të shquar është e dyta e këtij lloji  si dhe e 17 në kolanën e studimeve shqiptare që boton kjo qendër. Më as këtë konference përshëndetën prof.as.dr. Fatmir Vadahi, Zv.Rektori i Universitetit “ Luigj Gurakuqi”, Kryetari i Këshillit të Qarkut prof.as.dr Gjovalin Kolombi, z. Ndue Sanaj, Kryetar i shoqatës “ Atdhetare- Dukagjini”,  si dhe referuan : prof. as .dr Ledri Kurti, dr. Mimoza Priku :”  Martin Camaj, krijues dhe dijetar”. Më pas konferenca zhvilloi punimet e saj në dy sesione në atë të gjuhës dhe në atë të letërsisë me nga dy seanca .

 Martin Camaj lindi në Temal të Dukagjinit më 21 korrik 1925. Mori edukatë klasike në Kolegjin Saverian të Shkodrës, të drejtuar nga etërit jezuitë. Kur komunistët e mbyllën kolegjin, u arratis në Jugosllavi, ku vijoi Universitetin e Beogradit. Studioi italianistikë, romanistikë, teori letërsie, gjuhë klasike dhe sllavistikë. Në verën e vitit 1956 shkoi në Romë, ku vijoi studimet, u doktorua, u lidh me botën arbëreshe dhe, nën kujdesin e Ernest Koliqit, u bë kryeredaktor i revistës "Shejzat" (1957-1975). Më 1961 u transferua në Mynih (Gjermani), ku u specializua përfundimisht në gjuhësinë shqipe, pa u shkëputur nga letërsia. U emërua profesor i gjuhës dhe i letërsisë shqiptare në Universitetin e Mynihut dhe mbeti atje gjithë jetën, deri sa vdiq, më 1992.Nga viti 1953 kur boton në Prishtinë veprën e parë të tij, vëllimin me poezi “Një fyell ndër male”, vargu i veprave të tij nuk ka të ndaluar. Përveç disa vëllimeve me poezi si “Legjenda”, botuar në Romë në vitin 1964, “Lirika mes dy moteve” dhe “Njeriu më vete e me tjerë”, botuar në Mynih (1967-1978), Camaj ka botuar edhe romanet “Djella” (1964), “Dranja” (1981) “Shkundullima” (1981) dhe “Karpa”, (1987). Camaj është edhe një ndër albanologët më të shquar. Ndër studimet kryesore mund të përmenden: Meshari i Gjon Buzukut, Romë 1960; Tekst mësimor i gjuhës shqipe, Ëiesbaden 1969; E folmja shqipe në provincën e Avelinos, Firence 1971; Gramatika shqipe, Wiesbaden 1984; si dhe antologjia Këngë shqiptare, Düsseldorf 1974. Camaj vdiq, më 12 mars të vitit 1992, në Lenggries të Bavarisë. Fjalët e fundit të poetit ishin: “Të dashun miq e vëllazën shqiptarë, intelektualë…gëzohem pa masë se keni vendosë të vlerësoni veprën time:ky vlerësim na afron.Batë burrninë të më shtini në rreshtin tuej.Ndonëse të ndamë për një gjysmë shekulli, unë jam i jueji e ju jeni të mijt”.