3. Ku mund të kërkohet informacioni? Në të gjitha autoritetet publike të tilla si:

 organet e administratës qëndrore si Kuvendi; Këshilli i Ministrave; Presidenca; Ministritë si dhe organet e administratës shtetërore në vartësi të tyre AKP, ZRP etj

 organet e pushtetit vendor si bashkitë komunat, qarqet

 organe të tjera (ente publike) të krijuara me ligj si Universiteti, TVSH, Radio Tirana

 organet e forcave të armatosura

 Gjykatat për informacionet e karakterit administrativ

Ligji i detyron organet e mësipërme të caktojnë një person përgjegjës për të marrë dhe trajtuar kërkesat për informacion (neni 6). Megjithatë mund të ndodhë që institucioni tek i cili jeni drejtuar të mos ketë ngarkuar një zyrtar posaçërisht për këtë detyrë, prandaj në këto raste ju mund t’i drejtoheni zyrës së e marrdhënieve me publikun ose zyrës së shtypit. 4. Ç’lloj informacioni mund të kërkohet? Ligji (neni 3) e detyron autoritetin publik të lejojë aksesin në të gjithë informacionin e mbajtur prej tij pavarësisht nga forma e ruajtjes së tij në dokumente të shkurara, CD Rom, të regjistruara në kasetë ose forma të tjera, etj. Dokumentacioni i organit mund të gjendet si vendim, urdhër të titullarëve p.sh. të ministrave, kryetarit të bashkisë apo komunës por edhe në forma të tjera si dokumente pasqyruese te bilanceve të shpenzimeve e të të ardhurave të institucionit etj. 5. Si mund të kërkohet informacioni? 2

7. Plotësimi i kërkesës? Autoriteti publik është i detyruar të plotësojë kërkesën për informacion duke ju dhënë në dorë një kopje të dokumentit zyrtar brenda 40 ditëve nga depozitimi i kërkesës. Autoriteti publik ka të drejtë të refuzojë plotësimin tërësisht ose pjesërisht të kërkesës kur informacioni i kërkuar përmban të dhëna që përbëjnë:

 Informacion personal i cili mund të jepet veçse sipas rregullave të parashikuara në ligj (Ligji Nr. 8517 i datës 22.07.1999, Për Mbrojtjen e të Dhënave Personale).

 Sekret shtetëror (Ligji Nr. 8457 datë 11.02.1999, Për Informacionin e Klasifikuar Sekret Shtetëror)

 Informacion të klasifikuar policor (Ligji Nr. 8839 i dates 22.11.2001, Për Grumbullimin, Administrimin dhe Ruajtjen e Informacionit të Klasifikuar Policior)

 Informacion i përfshirë në fondin arkivor kombëtar Ligji Nr. 7726, datë 29.06.1993, ("Për fondin arkivor kombëtar dhe për arkivat")

Në këto raste autoriteti duhet t’ju japë një deklaratë me shkrim për arsyet e refuzimit si dhe të tregojë rregullat në bazë të cilave ky informacion mund të kërkohet (neni 4).

Autoriteti publik mund të mos pranojë plotësisht ose pjeserisht kërkesën kur ajo është haptazi e pabazuar dhe abusive (neni 10). Në këto raste brenda 15 ditëve autoriteti duhet t’ju japë një përgjigje të arsyetuar me shkrim për shkaqet e mospranimit të kërkesës. 3

Autoriteti publik kur e ka të pamundur plotësimin e kërkesës për shkak të veçantisë së kerkesës ose nevojës për t’u konsultuar me një palë të tretë. mund t’ju propozojë (neni12):

 shtyrjen e afatit por jo më shumë se 10 ditë nga mbarimi i afatit të mëparshëm 40 ditor

 përshtatjen e kërkesës nga ana juaj në mënyrë që ajo të mund të plotësohet brenda afatit 40 ditor

Për këtë duhet t’ju njoftojë me shkrim duke ju shpjeguar edhe arsyet si dhe të marrë pëlqimin tuaj për një nga zgjidhjet e mësipërme. 8. Ankimi Në rast se ju është refuzuar plotësimi i kërkesës për informacion dhe ju mendoni se ky refuzim nuk është i përligjur ju keni të drejtë që brenda një muaji të bëni ankim tek po ai organ ose një organ administrativ në një shkallë hierarkike më të lartë. Ju mund të depozitoni ankim tek Institucioni i Avokatit të Popullit, i cili është organi i ngarkuar me zbatim e ligjit për të drejtën e informimit. Nëse edhe pas përfundimit të procedurës ankimore administrative mendoni se informacioni ju refuzohet padrejtësisht Brenda 30 ditësh nga shpallja e vendimit nga organi që ka shqyrtuar ankimin mund të drejtoheni në gjykatë duke I kërkuar asaj të detyrojë organin administrativ ta japë dokumentacionin e kërkuar. Së bashku me kërkesë padinë mund të kërkoni dhe të provoni para gjykatës edhe shpërblimin e dëmit që ju është shkaktuar Brenda 3 vjetëve nga dita kur keni marrë dijeni për dëmin që ju është shkaktuar nga refuzimi i informacionit.