Me anë të kësaj deklarate Bordi Ekzekutiv i Këshillit Studentor, distancohet nga pyetësori apo i ashtuquajturi sondazh që hamendësohet se është zhvilluar më datë 15.06.2012 në Universitetin e Shkodrës “Luigj Gurakuqi”.

Në të vërtetë nuk kemi dijeni për zhvillimin e  asnjë lloj sondazhi. Ne distancohemi prerë nga iniciativa të tilla të ndërmarra nga persona që nuk e përfaqësojnë më Këshillin Studentor.

Nisma për ndërmarrjen e pyetësorëve dhe sondazheve në bazë të statutit, është kompetencë e të gjithë anëtarëve të Këshillit Studentor. Le të citojmë nenin 4, pika 1 e Statutit të Këshillit Studentor të Universitetit të Shkodrës “Luigj Gurakuqi” ku thuhet: “Të trajtojë shqetësimet e studentëve dhe të veprojë për zgjidhjen e tyre”. Nisur nga kjo mund të themi se anëtarët e Këshillit Studentor legjitimohen në ndërmarrjen e nismave të tilla si pyetësori apo sondazhi.

Këshilli Studentor është i hapur dhe transparent ndaj çdo iniciative që synon të japë një pasqyrë reale të gjendjes së procesit të mësimdhënies të kushteve të studentëve si dhe problemeve që lidhen me mitmarrjen.

Në të ardhmen jemi të gatshëm të shqyrtojmë mundësinë e zhvillimit të një pyetësori të tillë.

Ju faleminderit !

Anëtarët e Bordit:

Aida Markaj

Kristi Kola

Eneida Koçiaj

Arminda Pelinku

Armanda Daka

Amela Hebovija

Nikoleta Prekducaj