Numri i të drejtave të studimit në degët e USH, për çdo vit akademik, për të dy sistemet, (me kohë të plotë dhe me kohë të pjesshme), propozohet nga Rektorati dhe miratohet nga Këshilli i Ministrave. E drejta e studimit fitohet pasi studenti ka realizuar provimet e detyruara dhe ato me zgjedhje të Maturës Shtetërore. Matura Shtetërore është konceptuar si një alternim i provimeve të detyruara dhe atyre me zgjedhje, ku provimet e detyruara përcaktojnë përfundimin e shkollës së mesme dhe vlefshmërinë e deftesës së pjekurisë, ndërsa provimet me zgjedhje bëhen sipas prirjeve individuale për studim në shkollat e larta, vetëm për ata nxënës që synojnë të vazhdojnë studimet në shkollat e larta. Komiteti i Maturës Shtetërore, pranë Ministrisë së Arsimit dhe Shkencës është i ngarkuar të drejtojë dhe organozojë provimet e maturës shtetërore. Provimet e maturës shtetërore zhvillohen vetëm me shkrim. Hartimi i programeve, tezave, administrimi i procesit dhe vlerësimi bëhen nga institucionet qendrore: Komiteti i Maturës Shtetërore (i ngritur për këtë qëllim që do të drejtojë e realizojë në nivel qendror zhvillimin e provimeve të Maturës Shtetërore) dhe Qendra Kombëtare Arsimore e Vlerësimit të Provimeve (QKAVP).

• Programet Orientuese - Letërsi dhe Gjuhë Shqipe 2011 (sipas profileve) 

   

         Shkarko dokumentat në Shqip

Regjistrimi i kandidatëve bëhet pranë Shkollës ku ai/ajo vazhdon studimet (plotësohet formulari A1 ) dhe Sekretarisë mësimore pranë fakultetit ku ai/ajo dëshiron të vazhdojë studimet. Për t’u regjistruar kandidati në fazën e parë të regjistrimit duhet të plotësojë e dorëzojë dokumentacionin e mëposhtëm :

•     Plotëson formularin B 1 .

   

•     Dorëzon një vertetim se është nxënës i vitit të fundit në shkollën ku ai vazhdon studimet, ose diplomën në qoftë se ai/ajo ka mbaruar studimet më parë.

   

•     Dorëzon një madat pagesë të marrë nga Banka që cakton Universiteti.

   

•     Kërkesa e kandidatit, ku të deklarohet dega në të cilën ai dëshiron të studiojë.

   

•     Deklaratë se nuk ka ndjekur apo nuk ndjek studimet në ndonjë shkollë tjetër të lartë.

   

•     Dëftesa e pjekurisë së shkollës së mesme dhe fotokopja e saj e noterizuar.

   

•     Raport mjeko – ligjor

   

•     Certifikatë personale me fotografi.

   

•     Dy fotografi

   

    Kandidati fitues ka të drejtë të ndjekë studimet në vitin akademik për të cilin ai/ajo ka realizuar provimet e Maturës Shtetërore, por ai/ajo fiton statusin e studentit vetëm nëse regjistrohet si student në Sekretarinë mësimore të fakultetit përkatës brenda afateve të parashikuara. Në këtë fazë ai/ajo duhet të sjellë pranë sekretarisë mësimore këto dokumente:

•     Dëftesë pjekurie.

   

•     Certifikatën e “Maturës Shtetërore”

   

•     Certifikatë personale me fotografi.

   

•     Dy fotografi

   

•     Mandat arkëtimi i tarifës së regjistrimit prej 1500 lekë

   

Për kandidatët shqiptarë nga Kosova, Maqedonia, Mali i Zi dhe nga Lugina e Preshevës, dokumentët e mësipërm duhet të jenë të përkthyera në gjuhën shqipe e të noterizuara.
Pasi bën regjistrimin, duke plotësuar kartelën e studentit, studenti pajiset nga Qendra e Shërbimit Studentor me detyrim dhe kundrejt pagesës me Librezën e notave.
Statusi i studentit përfundon me marrjen e diplomës ose me largimin e tij nga USH.

 

 
KUJTESË!
 
 

    Frekuentimi

Parakushtet për hyrjen në provim

Provimi i kursit

•         Për disiplinat që kanë teori, ushtrime ose seminare, përpilohen aq teza sa të përmbajnë pyetje lidhur me teorinë dhe praktikën e të gjithë disiplinës së zhvilluar.

   

•         · Zgjedhja e tezës bëhet nga një student prezent në sallën e provimit. Provimi zhvillohet me sekretim. Përgjegjës për sekretimin e fletoreve është drejtori i departamentit ose një person i autorizuar nga ai.

   

•         · Kohëzgjatja e provimit është 2-3 orë.

   

•         · Korrigjimi i fletoreve bëhet nga komisioni i provimit. Në përfundim të tij bëhet çsekretimi. Rezultatet u bëhen të njohura studentëve 3-5 ditë pas zhvillimit të provimit. Komisioni bënballafaqimin me studentët ditën e caktuar të dhënies së rezultateve.

   

•         · Vlerësimi përfundimtar përbëhet nga 100 pikë. Minimumi për kalim është 45 pikë. Kur teza e provimit është ndërtuar në dy pjesë (teori dhe ushtrime), në secilën pjesë studenti duhet të fitojë jo më pak se 20 pikë.

   

•         · Gjatë zhvillimit të provimit nuk lejohet ndërrimi i tezës.

   

•         · Përgjigjet e studentëve duhet të ruhen pranë departamentit deri në mbarim të sezonit pasardhës.

   

    5. Kur provimi është vetëm me gojë :

•         · Titullari i disiplinës harton aq teza sa të përfshihet e gjithë lënda.

   

•         · Teza zgjidhet nga vetë studenti.

   

•         · Vlerësimi bëhet me notë.

   

•         · Kohëzgjatja e provimit është jo më shumë se 30 minuta për çdo student.

   

•         · Rezultati i jepet studentit menjëherë pas përgjigjes, duke u hedhur domosdoshmërisht në librezën e notave.

   

    6. Kur provimi zhvillohet me shkrim dhe me gojë :

•         · ndiqen të njëjtat rregulla si më sipër.

   

•         · Më parë zhvillohet provimi me shkrim.

   

•         · Kusht për të hyrë në provimin me gojë është që studenti të fitojë të paktën 35 pikë.

   

    7. Studenti paraqitet në provim vetëm me librezën e studentit.
    8. Pas dhënies së tezës në provimin me shkrim nuk lejohet futja në provim e studentëve të tjerë të grupit apo të kursit përkatës.
    9. Nuk lejohet hyrja në sallën ku zhvillohet provimi i personave të jashtëm, qofshin dhe anëtarë të stafit akademik të Universitetit, me përjashtim të drejtorit të departamentit, dekanit të fakultetit, përfaqësuesve të Rektoratit dhe personave të tjerë të autorizuar me shkrim nga dekani ose Rektori për të kryer kontroll.
    10. Pas dhënies së rezultateve të provimit, komisioni është i detyruar të vërë notën në librezën e studentit.
    11. Anëtarët e komisionit të provimit të disiplinës mbikëqyrin zhvillimin korrekt të tij. Në qoftë se gjatë zhvillimit të provimit, studentët në sallë ose persona të jashtëm nuk lejojnë kryerjen me rregull të tij, komisioni ka të drejtë të ndërpresë provimin dhe të kërkojnë ndihmën e të gjitha instancave (deri tek organet e ruajtjes së rendit publik) për rivendosjen e kushteve normale të zhvillimit të provimit. Për këtë lajmëron menjëherë dekanin, i cili cakton një datë tjetër të zhvillimit të provimit. Në këtë rast provimi bëhet vetëm me shkrim. Studentët që deri në atë çast e kanë kryer provimin me gojë, nuk provohen më.
    12. Procesverbalet e përfundimit të provimit dorëzohen tek SM.
    13. Nuk lejohet përsëritja e një provimi brenda së njëjtës periudhë të sezonit.
    14. Nuk lejohet dhënia e më shumë se një provimi në të njëjtën ditë.
    15. Studenti ka të drejtë të ankohet në rast se janë shkelur rregullat proceduriale të zhvillimit të provimit. Ankesa bëhet me shkrim brenda ditës së zhvillimit të provimit, duke iu drejtuar dekanit të fakultetit. Dekani vlerëson ankesën dhe merr vendimin përkatës. Ky vendim është i formës së prerë. Në rast se vërtetohen praktika që bien ndesh me dispozitat e kësaj "Rregulloreje", me propozimin e drejtorit të departamentit, dekani vendos për ndryshimin e komisionit dhe për ridhënien e provimit ose kolokiumit brenda ditës ose të nesërmen.
    16. Studenti ka të drejtë të ankohet për vlerësimin e tij të pamerituar. Ankesa bëhet me shkrim brenda ditës së shpalljes së rezultateve, duke iu drejtuar drejtorit të departamentit me një ankesë me shkrim. Ai përcakton nëse ankesa e studentit është e drejtë apo jo dhe merr vendimin të rivlerësojë edhe një herë testin dhe të bëjë ballafaqim me studentin. Ky vendim është i formës së prerë.
    17. Studentët që nuk kanë mundur të informohen në kohë mbi rezultatet e provimit kanë të drejtë të informohen pranë SM.
Sezonet e zhvillimit të provimeve të kursit
    1. Provimet dhe riprovimet zhvillohen në 3 sezone:
        a. sezoni i dimrit, në përfundim të semestrit të parë, që përbëhet nga dy periudha, periudha e parë e provimit dhe periudha e dytë e provimit. Në periudhën e parë të provimit studentët do të provohen për disiplinat e semestrit të parë dhe në periudhën e dytë të provimit studentët kanë të drejtë të riprovohen në ato disiplina në të cilat kanë rezultuar mbetës në sezonin e vjeshtës, por që i takojnë semestrit të dytë të vitit paraardhës.
        b. sezoni i verës, në përfundim të semestrit të dytë, që përbëhet nga dy periudha, periudha e parë e provimit dhe periudha e dytë e provimit. Në periudhën e parë të provimit studentët do të provohen për disiplinat e semestrit të dytë dhe në periudhën e dytë të provimit studentët kanë të drejtë të riprovohen në ato disiplina në të cilat kanë rezultuar mbetës në përiudhën e parë të sezonin të dimrit.
        c. sezoni i vjeshtës, ku studentët mund të riprovohen në ato disiplina në të cilat kanë rezultuar mbetës në sezonet e dimrit dhe të verës. Numri i provimeve që mund të shlyejnë studentët në sezonin e vjeshtës do të jetë jo më shumë se 6 (gjashtë) provime, qofshin këto të vitit apo të mbartur.
    2. Studenti ka të drejtë të përmirësojë jo më shumë se dy disiplina të zhvilluara vetëm në atë vit akademik. Për këtë studenti duhet të paraqesë një kërkesë me shkrim pranë dekanatit përkatës, duke përcaktuar saktë disiplinat për të cilat dëshiron të riprovohet për t'i përmirësuar.
    3. Për dhënien e provimeve të mbetura student stazhier si dhe student që ka lëndë të mbartur duhet të regjistrohet pranë SM, duke paraqitur kërkesë me shkrim deri në 5 (pesë) ditë para zhvillimit të provimeve.