Me dt. 22 qershor 2012 prof. Francesco Altimari i Universitetit të Kalabrisë mbajti një cikël leksionesh në Universitetin e Shkodrës me studentët e Masterit shkencor “Studime të thelluara në gjuhësi”. Prof. Altimari lektoron prej tre vitesh pranë universitetit tonë dhe është titular i lendës “Studime arbëreshe”. Leksionet fokosoheshin kryesisht në disa hulumtime mbi të folmet arbëreshe të Italisë së Jugut duke nisur që me burimet që shërbyen për lindjen e një dialektologjie arbëreshe, për të vijuar me disa zhvillime të dialektologjisë arbëreshe në Itali, në vendet gjermanike , në Shqipëri e në vende të ndryshe të Europës Juglindore. Cikli i dytë i leksioneve kishte si temë bosht: “Një ballkanizëm jashtë Ballkanit: e ardhmja e domosdoshmërisë në dialektet arbëreshe dhe në dialektet greke të italisë së jugut”. Një interes të veçantë zgjoi tema: “Gjurmë të paskajores në arbërishten dhe një krahasim me paskajoret e shqipes”. Leksionet u ndoqën me shumë interes nga studentët e Masterit.