Konferencë ndërkombëtare e studimeve                                                  “Letërsia e Adriatikut-Gratë dhe shkrimet e udhëtimeve”.

                Qendra ndëruniversitare ndërkombëtare e studimeve mbi udhëtimet e Adriatikut- CISVA, në bashkëpunim me Universitete të njohura Italiane dhe Shqiptare, organizoi për tre ditë më radhë Konferencën ndërkombëtareme titull “ Letteratura adriatica. Le donne e la scittura di viaggio”.
Me datë 3 Qershor, punimet e kësaj Konference u zhvilluan në  bibliotekën shkencore të Universitetit të Shkodrës.
                 Në fjalën e përshëndetjes rektori i USH theksoi se: Hartimi i projekteve të përbashkëta, diskutimi dhe ballafaqimi i mendimeve, paraqitja e kërkimeve shkencore dhe arkivore, përafrimi mes kolegësh të dy vendeve është një dobi jo vetëm për individin por dhe komunitetin.
                 Në procesin e Globalizimit këto projekte kërkimore- shkencore janë një motor shumë i sigurt jo vetëm integrimi por edhe zhvillimi. Dy popujt tanë i lidh një traditë e hershme historie, kulture, trashëgimie. Është një faktor shumë pozitiv që sot ne jo vetëm të evidentojmë por pse jo ta thellojmë dhe nxisim një   zhvillim të përbashkët kulturor dhe ekonomik.
                 Trashëgimia kulturore, kultivimi, raportet e saj me zhvillimet e turizmit në kohë të hershme por veçanërisht sot kur dëshira dhe pasioni po i orienton  turistët drejt objekteve të veçanta dhe të pa eksploruara më parë, paraqiten si një faktor shumë pozitiv për dy vendet tanë.
Gjatë sesioneve kumtuan një numër shumë i gjerë studiuesish të cilët  sollën risi mbi dokumentet arkivore, shkrime të pazbuluar më parë, dorëshkrime të ndryshme.                  Në përmbyllje të këtij aktiviteti të gjerë shkencor Gianna Scianatico, Drejtore e Qendrës ndëruniversitare ndërkombëtare të studimeve mbi Udhëtimet në Adriatik(CISVA), drejtorja e departamentit të Ilalianistikës në USH, dr. Alma Hafizi di dhe prof. Gianni Sega, pedagog pranë UT, paraqitën konkluzionet e këtij aktiviteti shkencor.