Konferencë shkencore" Për nivele e standarde  evropiane në veprimtarinë kërkimore shkencore universitare".                Universiteti i Shkodrës” Luigj Gurakuqi”  dhe UFO University realizuan së bashku për dy ditë me radhë konferencën shkencore “ Për nivele e standarde evropiane në veprimtarinë kërkimore e  shkencore universitare”.
Konferenca u zhvillua në dy universitetet respektive, ditën e parë ne ambjentet e UFO University, ndërsa ditën e dytë në Bibliotekën shkencore të Universitetitt të Shkodrës. Në fjalën e përshendetjes zv/rektori, prof.as.dr Fatmir Vadahi theksoi se:“Qëllimi i realizimit të kësaj Konference përkon drejtpërdrejtë, me prioritetet e dy  Universiteteve tona, zhvillimin e Arsimit të Lartë dhe përballjen sa më të  denjë me sfidat e këtij  zhvillimi.  Për dy ditë me radhë organizojmë së bashkë këtë konferencë shkencore shumë të rëndësishme me një pjesëmarrje të gjërë të pedagogëve  dhe studiuesëve  jo vetëm të Universiteti të Shkodrës dhe UFO  University por edhe nga shumë Universitetete partnere. Kjo pjesëmarrje na paraqet një larmi të gjërë në tematikë, metodologji por edhe në risi mendimi dhe zgjidhje.
                Investimi për arsimin dhe shkencën është një garanci e fuqishme për zhvillimin e vendit. Përgatija e studentëve duke përdorur  metodologjinë dhe  literaturën më bashkëkohore përben edhe sfidën e këtij arsimi. Diplomat duhet të jenë efektive për një treg të hapur.  Në funksion të këtij procesi aktualisht në kuadrin e Deklaratës së Bolonjës kemi një kombinim dykrahësh mësim  dhe   kërkim shkencor- u theksu më tëj nga të pranishmit.
             Aktualisht vihet re një interesim më i gjërë për  pjesëmarrjen në projektet e kërkimit, si nga stafi akademik, ashtu dhe nga studentët e gjithë kjo në funksion të përafrimit me sistemet  e përparuara evropiane dhe një raport të mirë mobilieti brenda tyre.