Biblioteka ka filluar veprimtarinë e saj me krijimin e Institutit Pedagogjik në vitin 1957, me një fond prej rreth 1 000 librash, kryesisht në shqip. Sot kjo bibliotekë ka një fond (të inventarizuar) prej rreth 150 mijë kopjesh. Fondet e bibliotekës mbulojnë kryesisht fushat e Pedagogjisë, Psikologjisë, Didaktikës, Ekonomisë, Juridikut, Letërsisë, Gjuhës etj., në gjuhë shqipe dhe të huaj.

Fondi më me vlerë është ai albano-ballkanologjik. Në këtë fond ndodhet antikuari mjaft i çmuar i bibliotekës sonë, padyshim ndër më të mirët në Shqipëri, i përbërë nga 32 libra të rrallë që fillojnë prej shek. XVI.  Fondi i vjetër është në proces digjitalizimi për të siguruar jetëgjatësinë e tij dhe nga ana tjetër për t’i bërë ato të disponueshme për të gjithë lexuesit.

Biblioteka e Universitetit të Shkodrës “Luigj Gurakuqi” ka shkëmbime të rregullta me biblioteka brenda dhe jashtë vendit. Të dhënat kryesore të Bibliotekës pasqyrohen që nga viti 1995 në “World Guide to Libraries” të Shtëpisë Botuese K. G. Saur. Biblioteka mban lidhje me institucione të ndryshme dhe me shumë personalite të albanologjisë në Kosovë, Austri, Gjermani, Itali, Francë e gjetkë.

Vlen të theksohet se këtë vit akademik universiteti ynë e fillon me një bibliotekë të re, bashkohore. Biblioteka e re Universitetit ka një sipërfaqe prej mëse 3000m2 , ka 8 km. linear rafte gjatësi e cila mban deri në 400 000 libra.  Është planifikuar edhe një bibiotekë fëmijësh. Biblioteka e re e Universitetit është e përshtatur edhe për handikapatët. Që t’i vijë në ndihmë grave me fëmijë bibioteka ka edhe dhomën për ndërrimin e foshnjeve.

Gjithashtu biblioteka e re ka në përbërjen e vet auditoriumun maximum me rreth 100 vende. Në sallat e ndryshme të leximit do të ketë rreth 300 vende leximi dhe rreth 50 vende multimedia.

Për stafin e pedagogëve,studentëve dhe përdoruesve të tjerë të BUSH  Biblioteka Universitare Shkencore përmes projektit ERA 2012(Elektronik Resources for Albania) siguron akses pa pagesë në burimet ndërkombëtare elektronike me tekst të plotë nga:

• BioOne

   

• Cambridge Journals Online

   

• Ebrary Academic Complete

   

• EBSCO Academic Search Complete

   

• Emerald Management eJournal Collection

   

• IOPscience

   

• Multi-Science Journals Collection

   

• New England Journal of Medicine

   

• OECD-iLibrary

   

• Oxford English Dictionary Online

   

• Oxford Reference Online

   

• Pro-Quest Central

   

• Taylor & Francis Library

   

Aktorët qe mundësuan projektin ERA 2012:

• Republika e Sllovenisë si financuese e projektit në kuadër të “ Programi i bashkëpunimit dhe zhvillimit ndërkombëtar“

   

• Akademia e Shkencave e Shqipërisë si koordinatore e projektit.

   

• IZUM-Qendra Rajonale për Sistemet e Informacionit Bibliotekar dhe Sistemet e Informacionit Kërkimor.

   

• EIFL- Informacioni Elektronik për Bibliotekat

   

Si sigurohet aksesi:

• Aksesi në institucionin tonë për këto burime elektronike është i autorizuar nëpërmjet adresës së rregjistruar IP. Kjo do të thotë që stafi i pedagogëve,studentët dhe përdoruesit e tjerë të BUSh mund të aksesojnë drejpërdrejtë nga rrjeti i BUSH.

   

• Mjediset e autorizuara janë Mediateka dhe Salla e leximit në katin e dytë.

   

Drejtor i Bibliotekës: Alida LUKA:

tel. 493 - 22   

e-mail:    alida.luka@unishk.edu.al

Informacion më të hollësishëm në faqen e kësaj biblioteke:

www.bush.unishk.edu.al